លោក ប្រាក់ សុវណ្ណារ៉ា ត្រូវបានតែងតាំងជាគ្រូជម្រើសជាតិឈុតធំ

លោក ប្រាក់ សុវណ្ណារ៉ា អតីតគ្រូបង្វឹកក្លឹបបឹងកេតដែលដណ្តើមបានពានលីគកំពូលរដូវកាលឆ្នាំ ២០១៦ ត្រូវបានសហព័ន្ធបាល់ទាត់ជាតិផ្តល់នូវសេចក្តីទុកចិត្តអោយដឹកនាំក្រុមជម្រើស​ជាតិហើយ នេះបើតាមលិខិតចេញដោយសហព័ន្ធកាលពីថ្ងៃទី ២៦ តុលា កន្លងទៅនេះ។

លោកគ្រូនឹងត្រូវដឹកនាំក្រុមជម្រើសជាតិបាល់ទាត់ជួបប្រកួតមិត្តភាពអន្តរជាតិជាមួយ មីយ៉ាន់ម៉ា នៅថ្ងៃទី ៩​ ខែ វិច្ឆិកា​ ២០១៧ ព្រមទាំងការប្រកួត AFC Asian Cup UAE 2019 វគ្គជម្រុសជុំចុងក្រោយសម្រាប់ពូល C ជាមួយក្រុមជម្រើសជាតិ ហ្សកដានីនៅថ្ងៃទី ១៥ ខែ វិច្ឆិកា ឆ្នាំ ២០១៧ ផងដែរ។

គួរបញ្ជាក់ដែរថា លោកធ្លាប់ដឹកនាំក្លឹបណាហ្គា បឹងកេត គីរីវង់ និងក្រុមជម្រើសជាតិផងដែរ៕